Kultura kurdî kultureke devkî ye. Qedexekirina zimanê kurdî nehiştiye ku berhemên kultura me di wextê xwe de bêne nivîsandin û qeydkirin.Civaka kurd civakeke derengmayî ye tiştê ku milletên din 200-300 sal berê kirine em vêga dikin û ew jî ne bi temamî beşek ji wan. Di vê dema ku jiyan hem li derve û hem li welêt zêde guheriye parastin qeydkirin û raxistina berhemên di bîreweriya xelkê de mane ji berê girîngtir e.Nîhat Öner bi salan e bi vî karî radibe li Serhedê warê klam û dastan û çîrokên qedîm yek bi yek wan berhev dike.Û di encama xebata wî de ev kitêba di destê we de wekî yekem behrem derdikeve: Gurzek Çîrok ji Herêma Serhedê.