Ev çîrokên ku me berhevkirî berhemên kulturî yên neteweya Kurd in ku peyamên gerdûnî bi xwe ve digrin. Ji ber polîtîkaya asîmîlasyonîst ya Tirkiyeyê heta îro bi têra xwe çîrok nehatine berhevkirin ku ev yek kêmasiyeke gelek mezin e çi bo folklora kurdî çi jî ya dinyayê. Çareserkirina vê yekê erka folklorîst û zimannasan e.
Armanca vê berhemê ew e ku bala rewşenbîr û lêkolîneran bikşîne ser çîrokan. Ji ber vê hindê -hê ku ne dereng e- divê rewşenbîr destê xwe sivik bikin û çîrokan berhev û tomar bikin û veguhêzin nifşên nû.